Maqsad sari

Mazkur filmi o'smir yoshdagi yigit-qizlarning orzulari, intilishlari va hayotdagi o'z o'rnini topish jarayoni haqida hikoya qiladi. Asarda vatanparvarlik, do'stlik va har qanday qiyinchilikdan ustun turadigan ichki kuch aks etadi. Voqealar tog'li hududlardan birida yashovchi Asror atrofida kechadi. U xizmat paytida halok bo'lgan otasining izidan borishni orzu qiladi, kuchsizlarni himoya qiladi va atrofdagilarga o'rnak bo'lishga harakat qiladi. Uning amakivachchasi Jasur milliy kurash bo'yicha tuman chempioni bo'ladi, ammo va'da qilingan safar amalga oshmaydi. Bu esa yosh sportchilarning ruhiyatiga ta'sir qiladi. Asror bilan bir sinfda o'qiydigan Ma'ruf - boy oilada ulg'aygan, tartibsiz va mas'uliyatsiz yigit. Ular o'rtasidagi ziddiyat asta-sekin o'zgarib, oddiy janjaldan sport orqali hal qilinadigan raqobatga aylanadi. Asrorning ta'siri ostida Ma'ruf kurash bilan shug'ullana boshlaydi. Mashg'ulotlar davomida u nafaqat jismonan, balki ichki jihatdan ham o'zgaradi. Ularning qarama-qarshiligi asta-sekin maqsad sari intilishga aylanadi. Hamma narsa tuman chempionatida hal bo'ladi. Bu yerda ular nafaqat g'alaba, balki o'z ustidan g'alaba qozonish uchun kurashadilar.