O'zimizni yigitlar - El Clasico

Botir va do'stlari PlayStationda futbol o'yiniga sho'ng'ib ketishgan, xonani faqat “GOOOL!” degan qichqiriqlar to'ldirib turadi. Har kim o'z jamoasi uchun jon kuydiradi, lekin Botir har doimgidek, Messi tarafdori.Shu payt, qo'shni xonadan “Messi endi tugadi, Real baribir kuchli!” degan ovoz eshitiladi. Bu so'zlar Botirni portlatadi u javoban Realni yomonlab baqira boshlaydi, tortishuv esa shunchaki so'z bilan cheklanmaydi.Kutilmaganda, bu bahs haqiqiy futbol jangiga aylanadi. Endi ular o'yinchoq pult o'rniga haqiqiy stadionga chiqishadi! Bir tomonda Barselona formasidagi Botir va uning do'stlari, ikkinchi tomonda Real kiyimidagi raqiblar 5 ga 5, to'liq “El Clásico” muhiti. Har bir zarba, yiqilish, bahs va “VAR!” baqiriqlari bilan to'la bu o'yin kulgili, ammo shiddatli voqealarga boy. Kimdir penaltida yiqilib, kimdir to'pni himoyachining oyog'iga tekkizib o'z darvozasiga uradi xullas, bu jang kulgidan iborat stadion sarguzashtiga aylanadi.Oxirida esa hamma charchab kuladi. Chunki ular tushunib yetishadi «Kim g'olib bo'lishi muhim emas. Muhim narsa o'yinning o'zi va uni kim bilan o'ynayotganing».